Tskan piroqu resepti

Müəllif: Mr. OffiCeR
Şərhlər: 7
Baxılıb: 6433
Səs ver:
(səs: 1)
Tərkibi:
Xəmir üçün:
4-4,5 st. un
2 st. su (ayran)
1 ç.q. şəkər tozu
1 ç.q. quru maya
1 ç.q. duz
2-3 q. bitki yağı

İç üçün:
1 kq ət (qoyun əti)
0,5 kq kartof
2-3 baş soğan
1 ovuc xırdalanmış qoz (istəyə görə)
duz
istiot
kəklikotu
100-150 q kərə yağı (üzərinə çəkməyə)

Hazırlanması:
Bitki yağından başqa xəmir üçün olan ərzağı qarışdırıb yoğurun. Əlinizi yağa batırıb xəmiri ətləyin. Gəlməsi üçün isti yerə qoyun.
Əti xırda doğrayın. Kartofu nazik lay doğrayın. Soğanı nazik yarımhalqa doğrayın (əgər çiy soğanın dadını xoşlamırsınızsa, xırda doğrayıb azca qovuraraq əlavə edə bilərsiniz), hamısını qarışdırın, duz, istiot, ədviyyat (göyərti, göyərti qurusu) əlavə edin.

Gəlmiş xəmiri iki yerə bölün.
Hər birini nazik yayın. Yağlayın. Rulet kimi, sonra isə bu ruleti ilbiz kimi spiral bükün. Üstünü dəsmalla örtüb 15-20 dəqiqə saxlayın.

Sonra bunları sini böyüklükdə yayın (məsələn, diametri 40 sm). Birinci lavaşı siniyə qoyun. İçi üzərinə bərabər yayın. O biri lavaşı üzərinə çəkin, kənarlarını bükün, ortasında buxar çıxması üçün balaca deşik açın. 170-180 dərəcə qızdırılmış sobada təxminən 1,5 saat bişirin.
Əgər üst hissəsi çox qızarır, içi bişmirsə, üzərinə kalka və ya folqa çəkin.

Piroq bişəndən sonra çıxarın, üzərinə isti-isti kərə yağı çəkin.

Nuş olsun!
(səs: 1)
Şərhlər: 7
Baxılıb: 6433
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

    Qadın testləri