Tərkibi:
4 ədəd yumurta
250 q toyuq qiyməsi
1 x.q ədviyyatlı çili (acı bibər)
3 budaq şüyüd
150 q suxari
3 x.q un

Hazırlanması:
Öncə yumurtaların 3-nü qaynadırıq. 1 ədəd qalan yumurta bizə çiy halda lazım olacaq. Belə qabda qaynatsanız, daha dadlı olacaq.
İri qabda toyuq qiyməsini, şüyüdü və ədviyyatı qarışdırın.
Zövqə görə duz və qara istiot da istifadə edə bilərsiniz.
İndi isə üç ədəd qab götürürük. Birinə un, ikincinə suxari, üçüncünə isə yaxşı çalınmış yumurta tökürük.
İndi isə əlinizə qiymədən biraz götürün. Əliniz yaş olsa, daha rahat olar və qiyməni yastılayın.
Qaynadılmış yumurtanı əlinizdəki dairəvi qiymənin mərkəzinə qoyub ehtiyatla yaxşıca yumrulayın (kotlet kimi).
İndi isə kotletimizi ilk növbədə suxari+ yumurta+suxari+yumurta, sonda yenə suxariyə batırırıq.
Orta atəşdə tavada yağı qızdırıb kotletləri qızılı rəng alanadək qızardın
Qızardılmış kotletləri kağız dəsmalın üzərinə qoyun ki, yağını süzsün. Əgər yaxşı qızarmasına əmin olmasanız, əlavə 5 dəqiqə də sobaya qoya bilərsiniz.
Çox dadlı şotland yumurtaları alınacaq.

Nuş olsun!