Hazırlanması: İsti (qaynar olmayan) südə şəkər tozu və maya əlavə edib isti yerə qoyun. 15 dəqiqəyə barata qalxmalıdır. Yumurtanı duzla çalın. Bitki yağı əlavə edib qarışdırın. Baratanı əlavə edib qarışdırın. Un qatıb yumşaq xəmir yoğurun. İçində xəmir olan ləyənçənin üzərini dəsmal və ya plyonka ilə örtüb isti yerə qoyun. Təxminən 30 dəqiqəyə xəmir gəlməlidir. Soğanı uzunasına, göbələyi nazik doğrayın. Çiy kartofu çox nazik dilimləyin. Pendiri sürtgəcin xırda gözündən keçirin. Sinini yağlayın, yaxud içinə perqament döşəyin. Xəmiri 3 mm qalınlıqda yayın. Siniyə döşəyin, kənarlarını azca qaldırın. Üzərinə azca xama çəkin. Göbələyi döşəyin, duz-istiot səpin. Üzərinə soğan döşəyin. Üzərinə kartofu düzün, azca duz vurun. Xama çəkin. Üstünə pendir səpin. 180 dərəcə qızdırılmış sobada 30-35 dəqiqə bişirin. Süfrəyə verərkən üzərinə xama çəkə və göyərti səpə bilərsiniz.