Noxudlu-qiyməli şorba resepti

Müəllif: Mr. OffiCeR
Şərhlər: 9
Baxılıb: 3 943
Səs ver:
(səs: 3)
Misilsiz ləzzətlərdən biri. Ailə içi yeməklərdə ön yemək olaraq hazırlaya bilərsiniz. Yanında qızardılmış çörək dilimləri ilə servis edə bilərsiniz.
6 nəfərlik Bişmə müddəti 20-25 dəqiqə

Tərkibi:
200 qr. Az yağlı qiymə
1 stəkan qaynadılmış və qabıqları çıxardılmış noxud
1 ovuc cəfəri yarpağı
3 diş sarımsaq
2 baş quru soğan
10 stəkan su
2 stəkan qatıq
2 xörək qaşığı duru yağ
1 xörək qaşığı tomat
1 çay qaşığı quru nanə
bir miqdar un
yarım çay qaşığı qırmızı pul bibər
duz
qara bibər

Hazırlanması:
Gecədən noxudu suya qoyun. Sonra tam bişmədən qaynadın. Qabıqlarmı təmizləyin. Qiymə, duz, qara bibər, incə doğranan cəfərini yaxşıca yoğurun, fındıq böyüklüyündə yuvarlayıb unlaym (un qiymənin hər tərəfinə yayılmalıdır). İncə doğranan soğanı 1 xörək qaşığı yağla rəngi itənə qədər qovurun. Duz, tomat və 10 stəkan su əlavə edib qaynadın. Qaynadıqdan sonra topları və öncədən hazırladığınız noxudu əlavə edin. Bu arada bir kənarda sarımsaqlı qatıq hazırlayın (sarımsaqları yaxşıca döyün ki, şorbada diri qalmasın). Sarımsaqlı qatığı qiymə topları bişdikdən sonra şorbaya əlavə edin və qazanı ocaqdan alın. Ardınca şorbanın sousunu hazırlamaq üçün, kiçik tavada bir xörək qaşığı yağla pul bibəri və quru nanəni qovurun, şorbaya əlavə edin. Noxudlu - qiyməli şorbanız ləzzətli dadıyla servisə hazırdır.
 
Nuş olsun!
(səs: 3)
Şərhlər: 9
Baxılıb: 3 943
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri