Tərkibi:
1 kilo şaftalı
750 qram toz şəkər
Yarım limon suyu

Hazırlanması:
Şaftalıların qabıqlarını soyun və ikiyə bölərək tumunu çıxardın. Şaftalıları kiçik kvadratlar halında doğrayın. Qazana dilimlədiyiniz şaftalılardan bir az qoyun, üzərinə toz şəkər qoyun, şaftalı və şəkər bitənə qədər bir neçə qat daha edin.
Qazanın qapağını bağlayaraq 4 saat qədər meyvələrin suyunu salmasını gözləyin. Meyvələr sularını saldığında qazanı ocağa qoyun və az odda qarışdıraraq qaynadın. Tündləşən və qatı hal almağa başlayan mürəbbəyə yarım limonu sıxın və 5 dəqiqə daha qaynadaraq ocaqdan götürün.

Nuş olsun!