İçi doldurulmuş bolqar bibərinin duza qoyulması

Müəllif: Mr. OffiCeR
Şərhlər: 12
Baxılıb: 64400
Səs ver:
(səs: 9)
Təxminən 1 balon bibər turşusu qoymaq üçün.

Tərkibi:
2 kq yaşıl bolqar bibəri
0,5 kq kələm
100 qr acı istiot
100-150 qr sarımsaq (3-4 baş)
2 dəstə cəfəri
2 dəstə nanə
duz və sirkə cövhəri

Hazırlanması:
Bibərlər təmiz yuyulur və saplağı kəsilir, içi təmizlənir. İri qazanda qaynar duzlu suda 3-4 dəqiqə pörtlədilir və aşsüzənə tökülür.
Bibərlər soyuyunca içlik hazırlanır. Kələm və acı istiot çox nazik doğranır. Sarımsaq təmizlənib əzilir və göyərti də doğranıb bir qabda qarışdırılır. Bu içliyə təxminən 1 xörək qaşığı duz əlavə edilir.
Sonra pörtlənmiş bibərlərin içi qarışıqla doldurulur və səliqə ilə balona yığılır. Üstünə duzlu sirkəli su tökülür və kapron qapaqla bağlanıb sərin yerə qoyulur.
Duzlu-sirkəli suyu hazırlamaq üçün 3 litr qaynadılmış və soyudulmuş suya 3 dolu xörək qaşığı duz və 2 x.q. sirkə cövhəri tökülür və qarışdırılır.
Bibərin içini doldurmaq istəməyənlər isə sadəcə pörtlədilmiş bibərləri səliqə ilə balona yığmalı, aralarına 2-3 ədəd bir neçə yerə bölünmüş acı istiot, dilimlənmiş sarımsaq, iri doğranmış cəfəri, kərəviz və nanə qoyaraq, üstünə duzlu -sirkəli su töküb ağzını kapron qapaqla bağlayıb sərin yerə qoymalı.

Nuş olsun!
(səs: 9)
Şərhlər: 12
Baxılıb: 64400
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri