Ərzaqlar: Çəkilmiş ət – 500 qr Un- 100-150 qr Yumurta – 1 ədəd Kartof – 500-600 qr Qızartmaq üçün yağ
Hazırlanması: Kartofu bişirib qabığını soyun və sürtgəcdən keçirin. Un, yumurta, duz və istiot vurub yoğurun. Ətə də duz , istiot, ədviyyatlar vurun. Həmçinin soyuq su, smetan və ya qatıq vurun ki, yumşaq olsun. Kartofdan yoğrulmuş xəmiri kolbasa formasına salıb hissə hissə bölün. Kəsdiyiniz hissələri əlinizlə açıb kənarlardan 1-1.5 sm qalmaq şərti ilə içlik qoyun. Rulet formasında büküb kənarlarını bərkidin. Hər iki tərəfi açıq qızılı rəng olana qədər yağda qızardın. Sonra formaya qoyub 200 C dərəcə qızdırılmış sobada 15-20 dəqiqə bişirin. Hazır olana 5 dəqiqə qalmış üzərinə sürtgəcdən keçirilmiş pendir əlavə edin.