Tərkibi: 2 toyuq budu 1 soğan 3 yumurta 100 q bərk pendir 0.5 st. uzun düyü 3 marinə edilmiş xiyar 2 yerkökü 2 diş sarımsaq 150 q mayonez 1 ədəd qara zeytun 1 bolqar bibəri göyərti
Hazırlanması: Toyuq budunu suda bişirib soyuduqdan sonra əti sümükdən ayırın. Düyünü, yerkökü və yumurtaları ayrılıqda qaynadın. Sarımsağı əzib mayonezlə qarışdırın. Perqamenti xoruz formasında kəsib buluda qoyun. Üzərinə azca su çiləyin (ya da salfeti isladıb üzərinə çəkin). Aralarına mayonez çəkməklə lay-lay düzün: düyü + xırda kubik doğranmış yerkökü (dimdik üçün balaca hissəsini saxlayın) + xırda doğranmış soğan + ət + nazik fal-fal doğranmış xiyar + sürtgəcdən keçirilmiş yumurta + sürtgəcdən keçirilmiş pendir. Salatın kənarlarına da mayonez çəkin. Qara zeytundan göz, yerköküdən dimdik, bolqar bibərindən xoruzun quyrugu və pipiyini düzəldin, göyərti ilə bəzəyin.