Çay sevərlər onu şirniyyatla içməyi xüsusilə xoşlayırlar. Ailem.az hər dəfə fərqli dad axtarışında olanlara yeni resept təqdim edir.

Qozlu şirniyyat
Lazım olanlar:
2 stəkan yarım un
Kərə yağı
1 stəkan süd
Yarım çay qaşığı soda
1 çay qaşığı duz
İri çəkilmiş qoz
2 stəkan şəkər tozu
2 stəkan su
Yarım limonun suyu

Hazırlanması:
Şəkər tozu, su və limon suyunu qazana töküb ocağa qoyun, qaynamağa başladıqda odunu alın. 20 dəqiqə daha qaynadın. Otaq temperaturunda yumşalmış kərə yağını bir kasada əlinizlə əzin. Un, soda, duz və südü əlavə edib yumşaq xəmir halına gəlincəyə qədər yoğurun. Yarım saat saxlayıb, xəmirdən qoz böyüklüyündə parçalar qoparın. Yumurta şəklinə saldıqdan sonra ortasını oyub, içinə çəkilmiş qoz qoyub bağlayın. Əlinizdə təkrar yuvarlayın. Yağladığınız soba qabına düzün. 180 dərəcə qızdırılmış sobada qızarıncaya qədər bişirin. Sobadan çıxardıqda isti şərbəti üzərinə töküb servis boşqabına yığın. Üzərlərinə çəkilmiş qoz səpərək servis edin.

Nuş olsun!