Almalı-qozlu paxlava

Qeydiyyat Şifrənin bərpası

Qadınla.Com

Tarix: 10-02-2014, 07:00

Müəllif: Wiyinka

Şərhlər: 8

Baxılıb: 5 290

Bölmə: Bizim mətbəx / Şirniyyat və Tortlar

Səs ver:

(səs: 4)

Xəmir üçün:
5 stəkan un
2 yumurta
0,5 qram limon suyu
1 çimdik duz
1 armudu stəkan süd
1 armudu stəkan su

Xəmiri yaymaq üçün:
Buğda nişastası

İçi üçün:
4 yaşıl (turş alma)
1 stəkan döyülmüş qoz ləpəsi
2 xörək qaşığı kərə yağı
1 xörək qaşığı limon suyu

Üzəri üçün:
125 qram kərə yağı

Şərbət üçün:
4 su stəkan su
4 su stəkan şəkər tozu
1 xörək qaşığı limon şirəsi

İçin hazırlanması:

Almaları sürtgəcdən keçirib üzərinə limon şirəsi səpin. Kərə yağını bir tavada əridin, qozu içində qovurun, almanı əlavə edin. Qarışdıraraq 5 dəqiqə bişirin, bir kənara qoyun.

Xəmirin hazırlanması:

Unun ortasında çala açın. Xəmir üçün gərəkli ərzaqları içinə qoyub yaxşıca yoğurun. Üzərinə nəm dəsmal örtüb 30 dəqiqə saxlayın. Sonra 20 bərabər kündəyə bölün.

Üzəri:

Nişastanın köməyi ilə içində paxlavanı bişirəcəyiniz sini boyda yayın. Sinini yaydığınız yuxaların üstünə qoyun, artığını kəsib çıxarın. Yuxaların üstündəki əlavə nişastanı fırçanın köməyi ilə təmizləyin. 10 yuxanı sininin içinə üst-üstə döşəyin. İçi üstünə yayın. Qalan 10 yuxanı da üstünə döşəyin. Sonra xırda dördbucaqlı (kvadrat) paylara bölün. 125 q yağı əridib üzərinə gəzdirin. Əvvəlcədən 180 dərəcə qızdırılmış sobada üzəri qızaranadək bişirin.

Şərbətin hazırlanması:

Şəkər tozu, su və limondan şərbət bişirin. Paxlava bişəndən sonra çıxarın. Soyudun. İlıq şərbəti ilıq paxlavanın üstünə gəzdirin.

Nuş olsun!