Baunti pirojna resepti

Müəllif: Antikvar
Şərhlər: 16
Baxılıb: 18631
Səs ver:
(səs: 8)
Tərkibi:
biskvit:

4 yumurta
80 q un
20 q kakao tozu
20 q kartof nişastası
120 q şəkər tozu
0,5 ç.q. qabartma tozu

:
6-7 x.q. mannı
500 ml süd
200 q şəkər tozu
200 q kərə yağı
vanil
250 q kokos yonqarı

bəzək:
150 ml süd
1 paket "çalınmış qaymaq"
kakao
şəkərli muncuqlar

Hazırlanması:
Əvvəlcə içi hazırlayın. Südü qaynadın, mannı və vanil əlavə edib bişirin. Ocaqdan götürüb çalın ki, lopalar qalmasın.

Yumşaldılmış yağı şəkər tozu ilə ağarıncayadək çalın, bir qədər soyumuş mannı sıyığına əlavə edin, mikserlə çalaraq kokos yonqarını da əlavə edin. Yaxşıca çalandan sonra soyuducuya qoyun.

Unu, nişastanı, qabartma tozu və kakaonu birlikdə ələyib qarışdırın. Yumurta ağlarını möhkəm çalın, 2 x.q. şəkər tozu əlavə edib parıldayıb azacıq bərkiyənədək çalın.

Yumurta sarılarını 3 x.q. şəkər tozu ilə rəngi açılanadək çalın. Yumurta ağlarına əlavə edin, ehtiyatla qarışdırın.

Formaları bitki yağı ilə yaxşıca yağlayın, hər birinə 1,5 x.q. xəmir qoyun, üzərini hamarlayın (14 forma gərəkdir).

180 dərəcə qızdırılmış sobada bişirin. Bişib-bişmədiyini diş çöpü ilə yoxlayın.

Biskvitləri soyudun. Üzərlərinə təxminən 2 x.q. iç qoyub digər biskviti üzərinə basın, kənara çıxan kremi götürün, pirojnanın qırağını hamarlayın.

Bəzək üçün: "çalınmış qaymaq" paketinin içindəki tozu 150 ml soyuq südlə bərkiyənədək çalın. Biskvitlərin üzərinə çəkin, kakao və muncuqlarla bəzəyin.

Nuş olsun!
(səs: 8)
Şərhlər: 16
Baxılıb: 18631
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri