Misir tortu resepti

Şərhlər: 8
Baxılıb: 6902
Səs ver:
(səs: 3)
Tərkibi:
xəmir (1 korj üçün, cəmi 3 korj):

3 yumurtanın ağı
2,5 x.q. şəkər tozu
0,5 x.q. un 
50 q xırdalanmış qoz (yaxud fındıq)
(3 korj üçün göstərilən ərzağı 3-ə vurun)

krem:
10 yumurtanın sarısı 
10 x.q. şəkər tozu
5 x.q. un
2 paket vanilli şəkər tozu
350 ml süd
170 q kərə yağı

xırt-xırt içlik:
350 ml qaymaq 
200 q şəkər tozu
120 q doğranmış qoz, yaxud fındıq 

Hazırlanması:
Krem: Yumurta sarıları, şəkər tozu, un, vanilli şəkər tozu və südü qarışdırın. Ocağın üstünə qoyub sürətlə və dayanmadan qarışdıraraq qaynara düşən anda ocaqdan götürün, kənarda daha 2 dəqiqə qarışdırın. Yağı xırda doğrayıb əlavə edin, mikserlə eynicinsli kütlə alınanadək çalın. 

Krem soyuyan müddətdə korjları bişirin: Yumurta ağlarını möhkəm çalın, şəkər tozu əlavə edib yenə çalın, kütlə parıldamalıdır. Unu və qozu (fındığı) əlavə edin, səliqəylə qarışdırın. Perqament döşənmiş, yaxud yağlanmış formaya tökün. Əvvəlcədən 170 dərəcə qızdırılmış sobada 20 dəqiqə bişirin. Soyudun. (Eyni qaydada üç korj hazırlayın). 

Xırt-xırt içlik: Şəkər tozunu qazançada əridin, karamel halına gələndə dərhal perqamentin üzərinə tökün. Karamel tez soyuyur. İkinci perqament kağızını üzərinə örtüb qalın oxlovla xırdalayın (amma toz halında olmasın, o iri olmalıdır ki, xırtıldasın). Qaymağı möhkəm çalın. Karamel parçaları və doğranmış qozu (fındığı) əlavə edin. 

Hər korjun üzərinə bişmiş kremin 1/3-ni çəkin. 

Xırt-xırtlı içliyi çəkin. 

Proseduru daha iki dəfə təkrarlayın (korj+krem+xırt-xırtlı içlik).

Sonda tortun üstünə və kənarlarına xırt-xırtlı içlikdən çəkin, üzərini qozla bəzəyin.

Nuş olsun!
(səs: 3)
Şərhlər: 8
Baxılıb: 6902
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri