Kəsmikli yay piroqu resepti

Müəllif: Mr. OffiCeR
Şərhlər: 3
Baxılıb: 5 572
Səs ver:
(səs: 1)
Tərkibi:
100 qram kərə yağı
1 ədəd yumurta
1/3 şəkər tozu
1 ç.q. qabartma tozu
0,5 ç.q. vanil şəkəri
1,5 stəkan un
1 ç.q. kakao

Kəsmikli iç üçün:
500 qram kəsmik
3 ədəd yumurta
0,5 stəkan şəkər tozu
1 ç.q. nişasta
30 qram kərə yağı
kişmiş, qoz ləpəsi, limon qabığı (sedra), qara gavalı, qaysı qurusu

Hazırlanması:
Unu ələkdən keçirib, qabartma tozu ilə qarışdırın.
Boşqabda yumuşaldılmış kərə yağın üzərinə şəkər tozu, kakao, yumurta və vanil şəkəri əlavə edib, yaxşıca qarışdırın. Sonra tədricən un əlavə edib, xəmir yoğurmağa başlayın.
Xəmirin 1/3 hissəsini ayırıb, dondurucu kameraya qoyun. Qalan xəmirin 2/3 hissəsini isə yayıb, bişirmək üçün xüsusi forma qabına yerləşdirin.
Kişmiş və yaxud digər quru meyvələri yuyub, xırda-xırda doğrayın. Yumurtanın ağını sarısından ayırıb, soyuducuya yerləşdirin. Yumurtanın sarısını isə yaxşıca çalın. Kəsmiyi qaşıqla əzib, üzərinə şəkər tozu, vanil şəkəri əlavə edib, qarışdırın. Sonra kəsmiyin üzərinə əridilmiş kərə yağı, nişasta və yumurtanın sarısını tökərək, yenidən qarışdırmağa davam edin.
Hazırladığınız qarışığın içinə xırda doğranılmış kişmiş və ya başqa quru meyvələri əlavə edib, qarışdırın.
Soyudulmuş yumurta ağını mikserlə çalıb, kəsmikli qarışığın üzərinə tökərək, yaxşıca qarışdırın.
Hazırladığınız kəsmikli içi xəmirin üzərinə tökərək, bərabər şəkildə yayın.
Dondurulmuş xəmiri soyuducudan çıxarıb, sürtkəcin iri gözündən keçirərək, kəsmikli için üzərindən səpin.
Piroqu 180 dərəcə qızdırılmış sobada 30 dəqiqə ərzində bişirin.

Nuş olsun!
(səs: 1)
Şərhlər: 3
Baxılıb: 5 572
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri