Tərkibi: 250 q kokos yonqarı 4 yumurta 300 q şəkər tozu 1 çimdik duz 2 q vanil 400 ml qaymaq 400 q südlü şokolad
Hazırlanması: Kokoslu biskvit: yumurta ilə şəkər tozunu eynicinsli kütlə alınanadək çalın. Bu qabı su hamamına qoyun. Amma qabın dibi suya dəyməsin. Qarışdıraraq 60 dərəcəyədək qızdırın. Su hamamından götürüb mikserlə 8 dəqiqə, tam soyuyanadək çalın.
Kokos yonqarını 2-3 dəfəyə əlavə edin. Bir tərəfə olmaqla ehtiyatla qarışdırın.
Perqament döşənmiş formaya xəmiri boşaldıb yayın. Əvvəlcədən 180 dərəcə qızdırılmış sobada təxminən 20 dəqiqə bişirin. Bişib-bişmədiyini çöplə yoxlayın. Hazır biskvit görünüşcə bezeye oxşayır. Amma üzəri qazmaq kimi olsa da, içi yumşaq alınır.
Biskvit soyuyan müddətdə qanaş hazırlayın: qaymağın içinə şokoladı xırdalayıb tökün, daim qarışdıraraq şokolad tam əriyəndə götürün, amma qaynatmayın. Üzərinə plyonka çəkib soyudun.
Kokoslu korju 3 yerə bölün. Hər birinin üzərinə qanaş çəkib üst-üstə yığın. Üzəri və kənarına da qanaş çəkin, hamarlayın.
Bəzək üçün aysinqdən istifadə edə bilərsiniz: yumurta ağı, şəkər pudrası və limon duzundan hazırlanmış kremdən perqamentin üzərinə qar dənəcikləri naxışları salın. Tam quruyandan sonra kağızdan ayırıb tortu bəzəyin. Nuş olsun!