Bvlgari zərgərlik evi "Lvcea" saat kolleksiyasını yeniləyib. Yeni kolleksiya brilyantlarla, rubinlərlə və zümrüdlərlə tamamlanıb.
Yeni saat modellərinin qolbağının hər bir halqası müxtəlif ölçülü 15 daşla bəzədilib. "Lvcea" saatları yeni 23 mm-lik diametrli siferblatla təchiz edilib. Bu siferblat isə 4 müxtəlif qiymətli daşlarla - brilyantlar, sapfirlər, zümrüdlər və rubinlərlə bəzədilib. Brilyant versiyada əqrəblər və qoşma düyməsi sapfir kaboşondan hazırlanıb. Zümrüdlərlə olan modelin 448 daşı və 17,8 karatı var, rubinlərlə olan modelin isə 448 daşı və 19 karatı var, bütöv brilyant versiyada isə 422 daş və 17,24 karat var.