Son illər küçə modasında rahatlıq şıqlığın önünə keçib.
Artıq
gündüz geyilən libaslarla gecə dəvətlərinə getmək normal qarşılanır.
Son trend isə yataqdan qalxan kimi birbaşa küçəyə çıxmağı asanlaşdıran
pijama dəbidir. Artıq pijamanı gecə rahat yuxuya getmək üçün deyil, küçə
trendi ilə ayaqlaşmaq üçün də geyinə biləcəksiniz.
Rihanna,
Rita Ora kimi ulduzların dəbə saldığı pijama libasları sadə koftalarla,
köynəklərlə geyinmək olar. Pijamanı istər idman ayaqqabısı ilə,
istəsəniz də, hündürdabanlarla uyğunlaşdıra bilərsiniz.
Rahat bir gün keçirmək istəyəndə şalvarlı pijama geyinib, ağ rəngli idman ayaqqabısı ilə dəbli görünə bilərsiniz.
Pijama geyinməyə cəsarət etməyənlər, pijamanı xatırladan dəstlərə üstünlük verə bilərlər.