Tanış olma ayas üstə və ilk qarşılaşmada aparılır. Tanışlıq əsnasında oturan kişi ayağa qalxar. Ancaq oturan yaşlı, xəstə, üst vəzifəli və ya xanım isə qalxmaya bilər.
Ümumi olaraq, gənc böyüyə, alt vəzifəli üst vəzifəliyə, yeni gələn orada olanlara təqdim edilir. Xanımlar ancaq üst idarəçilərə, yaşlılara və din adamlarına təqdim edilir. Bir xanım şəxsən özünü bir kişiyə tanıtmamalıdır.
Rəsmi təqdimdə əvvələ «hörmətli» və ya «cənab» sözü qoyularaq adamın sadəcə vəzifəsi – titulu söylənir (Məs: Hörmətli şöbə müdiri, Cənab polkovnik və s.).
Üst vəzifəyə yaxud topluluğa təqdimdə adamın əvvəl titulu, sonra adı, soyadı söylənir (Məs: Hörmətli Baş menecer Yusif Heydarlı).
Xüsusi və ictimai yerlərdə isə təqdim və tanışlıqda isə adamın sadəcə adı və soyadı söylənir (Süleyman Əlizadə). Lazımdırsa adamın ad və soyadından sonra titulu deyilə bilər (Hörmətli Musa İsayev, texniki direktor).
Rütbələr, elmi dərəcələr (akademik adlar) və peşə titulları adlardan əvvəl göstərilir (General-mayor Məmməd Əsgərov, Fəlsəfə elmlər namizədi Teymur Həsənov).
İnsan özünü təqdim edərkən/tanıdarkən adını, soyadını, lazım olsa rütbəsini (elmi dərəcəsini) söyləyər (Ramiz Əhmədov, professor doktor). Özünü rütbəsi ilə tanıdan və ya rütbəsini əvvəl deyən adam rütbəsi ilə qabağa çıxmağa çalışan adamdır. Əslində, insanın adı vacibdir, ad əvvəl gəlməlidir.
Yaş, vəzifə, titul və rütbə baxımından bir böyüklə tanışlıqda əvvəl icazə alınmalıdır. «İcazənizlə, sizi yaxın dostum Mustafa ilə tanım edim», «İcazə versəydiniz sizə qohumum Nurəddini təqdim etmək istərdim» deyilməlidir.
Tanış edilən adam eyni səviyyədə isə «məmnun oldum», «çox şad oldum» kimi ifadələrlə cavab verməlidir. Yuxarı səviyyədə və ya xanım isə «şərəf verdiniz», «müşərrəf oldum» və s. deməlidir.
Kişi yaşından asılı olmayaraq özünü qadına təqdim etməlidir.
Əgər iki nəfəri bir-biri ilə tanış edirsinizsə, əvvəlcə kiçiyi təqdim etmək lazımdır.
Başqası ilə tanış olarkən onun gözünə baxmaq lazımdır. Bu zaman gülümsəmək yaxşı olar.
Düşüncə, iman, siyasət və s. baxımdan əks olan adamları tanış etmək doğru deyil. Tanış edilməyi rədd etmək də xoş deyildir.
Xüsusi bir səbəb olmazsa küçədə tanışlıq aparılmamalıdır. İki kişi küçədə bir xanımla qarşılışarkən kişilərdən biri xanımı tanıyırsa, digər kişi də xanımı salamlayar. Xanım tanıdığı kişi ilə danışmaq üçün dayanarsa, digər yad kişi danışığa qatılmaz, bir neçə addım gedərək gözləyər. Bu vəziyyət kişilər üçün də eynidir.
Bir kişi ər-arvad olan iki nəfərlə tanış edilərsə əvvəl ərə, sonra arvada tanış edilər.
Ailə ilə tanışlıqda adam əvvəl ana, sonra ata ilə tanış edilər.