ABŞ-ın Kaliforniya Universitetinin əməkdaşları cinsi əlaqə zamanı qadınların ən çox şikayət etdikləri məsələni - kişilərin cinsi əlaqədən dərhal sonra yatmağa meyl etməsinin səbəbini araşdırmışlar. Nəticədə bu halın hormonal dəyişikliklə əlaqədar olduğu qənaətinə gəlmişlər. Mütəxəssislər məsələyə bu cür aydınlıq gətiriblər:

Kişilər cinsi əlaqə zamanı orqazm olarkən onların orqanizmində fiziki yorğunluqla bərabər, həm də əhval-ruhiyyəni qaldıran və yuxu gətirən prolaktin adlı hormonun səviyyəsi artır. Bu da onların cinsi əlaqədən sonra yuxuya getməsinə səbəb olur.

Qadınlarda isə tam əksinə olaraq, cinsi əlaqə zamanı prolaktin hormonu ilə barabər cinsi istəyi artıran oksitosin hormonu da ifraz olunur.