++++++++++++++++++Nə vaxt imtina edərik?

Qeydiyyat Şifrənin bərpası

Qadınla.Com

Tarix: 17-03-2013, 23:16

Müəllif: Mr. OffiCeR

Şərhlər: 0

Baxılıb: 2 046

Bölmə: Münasibətlər / Sevgi Statusları, Sevgi Dünyası

Səs ver:

(səs: 0)

Nə vaxt imtina edərik birini sevməkdən? Nə vaxt böyük bir eşqin yox oluşunu izlərik içimizdə? Nə vaxt sevərik? Nə vaxt sevmək istəyərik? Və nə vaxt əlimizdə qalar xəyallarımız?

Həyat, sevmənin eniş çıxışlarıyla rənglənər. Birini elə sevərsiniz ki, ürəyiniz ağrıyar sevməkdən. Sizə aid olan ən qiymətli əmanəti, canınızı belə verə biləcək qədər sevə bilərsiniz. Eşqin cadulu dünyasıyla tanış olduğunuzda, geri dönmək çox çətindir.

Sevgi ruhunuzu ələ keçirdiyində, bir göyqurşağının içində rəngdən rəngə qaçarkən taparsınız özünüzü. Dünyada artıq yer çəkilişi yoxdur. Döyüşlər, aclıq, xəstəliklər, eşqin rəqsinə yoldaşlıq etdiyiniz müddətcə itmişdir. Səhər trafiyində sıxışıb qalsanız, kimə nə? Sizin düşünəcək daha əhəmiyyətli şeyləriniz vardır. İnsanların zənglərə basdığı, üzlərindən gərginlik axdığı o anlarda, aynada gülümsəyən sifətinizlə qarşılaşarsınız.

Eşq, xülyalar ölkəsinə edilən ən qiymətli səfərdir. Orada ümid vardır, orada başqa bir dünya ilə tanış olarsınız. Sanki biri sizi şəffaf bir şarın içinə qoymuş və ipinizi buraxmışdır. Səmada süzülərək uçmaq duyğusu, eşqin içində yaşanar.

Bir gün hər nə olursa, şar partlayar. Minlərlə metr yüksəkdən düşməyə başlarsınız. Ancaq eşq, bu enişin də kefini çıxardar, əlbəttə yerə yaxınlaşdığı ana qədər. Birdən fərq edərsiniz ki, kürəyinizdə paraşüt yox! Artıq sizi heç bir şey qoruya bilməz.

Göz görə görə, torpağa çaxılarsınız. O necə izah edilməsi çətin bir ağrıdır, necə bir iztirabdır ancaq yaşayan bilər. Bir anda bütün inanclarınız yıxılar. O günə qədər bildiyiniz, inandığınız və müdafiə etdiyiniz hər şeyin yalan olduğunu düşünərsiniz. Çəkdiyiniz acı yalnız bədəninizi deyil, ruhunuzu da parçalar. Ayağa qalxmaq istəyərsiniz, hər yanın qırılmışdır, təkrar düşərsiniz. Kömək edəcək kimsə varmı deyə səslənərsiniz. Bəzən bir əl uzanar; bəzən düşdüyünüz yer bir səhradır, ətrafda kimsəni tapa bilməzsiniz.

Aradan zaman keçər. Yaralarınız, qırıqlarınız yaxşılaşar. Ruhunuz belə yığışar amma ürəyinizin orta yerində həmişə bir iz qalar. Vaxt irəlilədikcə, sürgün verər ürək, bahar gəlir. İnancınız azalmış, güvənin azalmış olsa da, artıq istəmirəm, varlığına inanmıram desəniz də, bir tərəfiniz coşmağa meyllidir. Bir dəfə dadına varmışsınızsa eşqin, için-için eyni duyğuya sahib olmaq istəyərsiniz.

Kimsəyə söyləməsənizdə də, yuxuya getmədən əvvəl təkliyin ağır hüznünü hiss edərsiniz. Bir səs, bir nəfəs istər könül amma izləri, sızıları dayanarkən yaşananların, çətindir cəsarət tapıb təkrar eşqə qaçmaq!

Tərcümə etdi: Günay Əliyeva