Dieta saxlamadan da gözəl bədən quruluşuna sahib ola bilərsiniz.
Bir saniyəölçəni iyirmi dəqiqəyə nizamlayın və özünüzü yavaş yemək yeyən biri hesab edin. Bu, mürəkkəb dieta proqramları olmadan arıqlamanın ən yaxşı vərdişlərindən biridir.
Hər dilimin ləzzətini hiss edin və buna saniyəölçənin siqnalı çalana qədər davam edin.
Sürəti nizamlanan yeməklər daha kiçik porsiyalardan böyük ləzzət almağınızı təmin edəcək. Bu zaman toxluq hormonlarınızı da hərəkətə keçirəcək və doyduğunuzu tez hiss edəcəksiniz.
Yeməyi ac qurdlar kimi tələsik yemək həmin siqnalların qarşısını alaraq həddindən artıq yeməyiniziə səbəb olur.
Daha çox yuxu, daha az çəki
Gündəlik 2,500 kalori qəbulunun norma olduğunu deyən Miçiqan Universitetinin tədqiqatçılarına görə, gecə bir saat daha artıq yatmaq insanın bir ildə altı kilo çəki itirməsinə kömək edə bilir. Açıqlamalara görə, boş fəaliyyətlərin və tələsik ayaqüstü yemək yeməyin yerini yuxu əvəz etdikdə, heç bir səy göstərmədən kalorinizi altı faiz miqdarında azalda bilərsiniz.
Nəticələr hər insan üçün fərqli ola bilər, ancaq yuxu başqa bir üsulla da kömək edir. Çox az yatmaq iştahı artdıraraq vaxtından tez acmağınıza səbəb olur. Bu, araşdırmalar nəticəsində sübut olunub.