İş yerində bitkinin olması əməyin məhsuldarlığını artırır.
Dibçəkdəki bitkilər diqqəti cəmləşdirməyə yardımçı olur, ofisdə əməyin
məhsuldarlığını 15% artırır. "Yaşıllıq” içində işləyənlər öz
həyatlarından daha çox razıdırlar.
Alimlər Böyük Britaniya və Hollandiyada iki ofisdə araşdırma aparıblar.
Araşdırma başlandıqdan üç ay sonra bitkilər qoyulmuş ofisdə əməyin
məhsuldarlığı 15% artıb.
"Bizim araşdırmamız göstərir ki, bitkilər olan ofis işçilərin həyatını
yaxşılaşdırır və iş qüvvələrini artırır”, – araşdırmanın rəhbərlərindən
biri deyib.
Digər araşdırmanın nəticələrindən bəlli olub ki, içində bitkilər olan
ofisin işçiləri daha az xəstələnirlər. Bunun izahı isə bitkinin havanı
filtrdən keçirməsi və keyfiyyətini yaxşılaşdırması ilə bağlıdır.