Uzun
müddət otaq şəraitində olmaq insanı xəstə edə bilər. Xüsusilə də qış
aylarında insanlar günün böyük qismini qapalı məkanlarda keçirirlər. Yaz
aylarında isə kondisionerdən istifadə otağın havasını korlayır. Ona
görə də həm ofislərdə, həm də evdə bitkilər saxlamaq vacibdir. Ev
bitkiləri dekorasiyaya gözəllik bəxş etməklə yanaşı, həm də insanın
sağlamlığına yaxşı təsir edir. Ancaq ev şəraitində saxlamaq üçün bitki
seçərkən onun havanı təmizləmək xüsusiyyəti daşımasına diqqət etmək
lazımdır.
Qadınlar.biz havanı təmizləyən 3 bitkini təqdim edir:
1. Aloe
Aloe
uzun illərdən bəri xalq təbabətində müxtəlif məqsədlər üçün istifadə
edilib. Aloe bitkisi havanı təmizləyir. Otağın böyüklüyünü nəzərə alaraq
bir neçə aloe dibçəyindən istifadə edə bilərsiniz. Bu bitkiyə qulluq da
çox zəhmət tələb etmir. Çünki suyu sevmir, həftədə bir dəfə sulamaq
kifayət edəcək.
2. Sarmaşıq
Sarmaşığı
adətən divarların üzərində görməyə öyrəşmişik. Ancaq bu bitkini qapalı
məkanlarda da saxlamaq olar. Həmişəyaşıl bitki olan sarmaşıq otağınızın
havasını təmizləyərək, ağciyərlərinizin daha sağlam olmasını təmin
edəcək. Xüsusilə ofisdə sarmaşıq saxlamaq çox faydalıdır. Çünki onun
təmin etdiyi təmiz hava bədənin daha çox oksigen qəbul etməsinə,
həmçinin beyinə daha çox oksigen çatdırılmasına səbəb olacaq.
3. Kala
Bu
bitki işıq və su tələb etmir. NASA tərəfindən aparılan araşdırma sübut
edib ki, bu bitki mühitdəki formaldehit və ammonyak elementlərini
təmizləyir.