Aybaşınız gecikdiyində, bunun səbəblərini bilmək çox əhəmiyyilidir. Hamilə qalmağa çalışmırsınızsa, heç bir şey sizi aybaşı gecikməsi qədər qorxuda bilməz.
Və aybaşınız gecikdiyində ağılınıza dərhal "hamiləyəmmi" sualı gəlir... Aybaşı gecikməsinin tək səbəbi hamiləlikdirmi?
Aybaşı gecikməsinin ən sıx görülən 10 səbəbi:
1. Stress
Stress həyatınızdakı bir çox şeyə təsir edə bilər və buna adət nizamınız da daxildir. Bəzən o qədər çox stress və gərginlik yaşayarıq ki, bədənimiz GnRH adı verilən bir hormonun (cinsiyyət hormonlarının səviyyəsini salan hormon) səviyyəsini azaldır. Bu hormonun azalması adət olmamağa səbəb olur. Yenidən köhnə nizamınıza dönə bilməniz üçün rahatlamanız və boşalmanız lazımdır. Bu vəziyyətdə, həkiminizlə danışmaq və stressinizi azaltmaq üçün birlikdə məsləhətləşmək faydalı olar.
2. Xəstəlik
Keçirdiyiniz ani, qısa və ya da uzun, davamlı bir xəstəlik, adətinizin gecikməsinə səbəb ola bilər. Bu vəziyyət ümumiyyətlə keçicidir. Xəstəliyiniz yaxşılaşdıqdan sonra, adətləriniz köhnə nizamına girəcək.
3. Gündəlik rejimdəki dəyişmələr
Təkrarlanan və nizamlı rejiminizdə dəyişiklik etmək, bioloji saatınıza təsir edə bilər. Adətinizin gecikməsinin səbəbi, çox uzun saatlarınızı iş yerində keçirərək, yuxusuz qalmanız ola bilər.
4. İstifadə etdiyiniz dərmanlar
Yeni və fərqli bir dərman istifadə etməyə başlamanız, adətinizin gecikməsinə və ya olmamasına səbəb ola bilər. Həkiminizlə istifadə etdiyiniz dərmanların bu yan təsiri haqqında danışın. Bu, bəzən hamiləlik əleyhinə dərmanlar istifadə edildiyində sıx görülən bir vəziyyətdir.
5. Çox kilolu olmaq
Çox kilonuzun olması, hormonal olaraq adət dövrünüzü dəyişdirə bilər və ya tamamilə dayanmasına səbəb ola bilər. Bir çox qadın bir az kilo verdiklərində normal dövrlərinə geri dönə bilirlər.
6. Çox zəif olmaq
Bədəninizdəki yağ nisbəti kafi səviyyədə deyilsə, nizamlı adət olmaya bilirsiniz, ya da adət dövrünüz tamamilə dayana bilir. Bu vəziyyətə amenore deyilir. Ümumiyyətlə bir az kilo almaq adət nizamınızın köhnəyə dönməsini təmin edə bilər. Bu vəziyyət, həddindən artıq dərəcədə idman edən, ya da professional idmançı olan qadınların yaşadığı adət gecikməsinin ən sıx görülən səbəbidir.
7. Səhv hesablama
Adət dövrü qadından qadına fərqlilik göstərə bilər. Ortalama adət dövrünün 28 gün olduğu deyilsə də bu hər qadın üçün etibarlı deyil. Bəzən adətinizin gecikdiyini sandığınız zamanlarda yalnız səhv hesab etdiyinizi fərq edə bilərsiniz.
8. Klimaksa keçid dövrü
«Klimaks» aylıq tsiklin ömürlük olaraq kəsilməsi deməkdir. Bu dövrdə adətiniz daha az və ya daha çox gələ bilər. Ya da daha sıx və ya daha seyrək adət ola bilərsiniz. Əgər hamilə qalmaq istəmirsinizsə, bir hamiləlik əleyhinə üsullardan istifadə etmək faydalı olar. Çünki bu dövrdə doğurganlığınız hələ də davam etməkdədir.
9. Klimaks
Klimaks artıq adət görməyəcəyiniz bir dövrdür.
Nəhayət! 10.
Adətinizin gecikməsinin səbəbi hamilə qalmış olmanız ola bilər. Sadə bir hamiləlik testi adətinizin gecikməsinin səbəbinin, hamiləlik olub - olmadığını anlamanıza köməkçi olacaq. Hamiləliyin öyrənilməsi üçün edilən sidik və ya qan testləri bədəninizdə hCG hormonu (hamiləlik hormonu) olub - olmadığın təyin edir.
Bundan sonra nə etməlisiniz?
Əgər hamiləsinizsə dərhal həkiminizə məsləhət eləməlisiniz.
Hamiləlik testiniz mənfi çıxıbsa, bir həftə gözləyib yenidən hamiləlik testi etməniz tövsiyə olunur. İkinci test də mənfidirsə və adətinizin gecikdiyi haqqında bir fikiriniz yoxdursa, fiziki müayinə üçün dərhal həkiminizlə məsləhətləşin.