Azərbaycanı “Eurovision-2011” müsabiqəsində təmsil edəcək Eldar və Nigarın yarışmanın keçiriləcəyi “Esprit Arena”da ikinci məşqi baş tutub. APA-nın məlumatına görə, təmsilçilərimiz məşqə mayın 10-da keçiriləcək I yarımfinalda çıxış edəcəkləri səhnə geyimində çıxıblar.
Nigarın geyimi 2009-cu ildə Aysel Teymurzadənin “Eurovision”da çıxışı zamanı geydiyi geyimə çox bənzəyir. Təmsilçilərimiz və onları müşayiət edən bek-vokallar Jessika Marberqer, Vera Prada, Liza Ztadel və Osa Enqman da həmin gün səhnəyə ağ geyimdə çıxacaqlar. Eldar və Nigarın ikinci məşqini “Eurovision-2011”i işıqlandırmaq üçün Düsseldorfa gəlmiş çoxsaylı mətbuat nümayəndələri izləyib.