Özünü tutmaq, maneə törətmək, əl çəkmə, geri dayanma mənalarını verən imsak, dini bir anlayış olaraq, "dan yerinin ağarmasından (fəcri sadiq), günəş batana qədər yemədən, içmədən, cinsi münasibətdən və digər orucu pozan şeylərdən uzaq dayanmaq" deməkdir. (Baxın. Bəqərə, 187).

Oruc qadağanlarının başladığı fəcri sadiq, yəni dan yerinin ağarmağa başlaması, imsak vaxtıdır. Bununla şam namazının vaxtı çıxmış, səhər namazının vaxtı girmiş olar. Bu vaxt eyni zamanda sahurun sona çatıb, orucun başladığı vaxtdır. Oruc qadağanlarının sona çatdığı, günəşin batma vaxtına isə iftar vaxtı deyilir. Bu vaxtla birlikdə axşam namazının vaxtı girmiş olar. Gündüz və gecənin tam olaraq təşəkkül etmədiyi yerlərdə, imsak və iftar vaxtları, təqdirlə təyin olunar.