Haqq-taala Ərş və Kürsini nədən yaratdı?
Allahın Rəsulu cavab verdi ki, Haqq-Taala Ərş və Kürsini nurdan yaratdı. Kürsinin əzəməti belədir ki, yeddi qat göylər və yeddi qat yerlər onun qarşısında bir süfrə kimidir. Haqq-Taala Xərqail adlı bir mələk yaratdı və ona on səkkiz min qanad verib dedi: "Ya Xərqail, üç ərşimi seyr et.”
Mələk doqquz min il uçmaqla ancaq Ərşin bir ayağına yetişdi. Xəcalət və nədamət ilə ahu-zar etdi. Haqq-Taaladan nida gəldi ki, ya Xərqail, əgər qiyamətədək uçsan, yenə ərşin ayağına çatmazsan.