Əgər kişi ilə qadın zina edərsə, doğulan uşaq mütləq kafir ya münafiq olur?
Zinadan doğulan uşaq zinazadə hökmündədir. Lakin onun mütləq mənada kafir ya münafiq olacağına da hökm etmək olmaz. Əgər zinadan doğulan uşaq gözəl bir mühitə düşsə və yaxşı tərbiyə alsa, müsbət insan olması mümkündür. Əgər pis mühitə düşsə, azğınlığa düşmə ehtimalı da daha böyük olur.

Çünki nütfəsi haramla qoyulduğu üçün, onda mənfiyə doğru təmayül daha güclü olur. Məhz buna görə dünya tarixində ən mənfur cinayətləri törətmiş şəxslərin (o cümlədən, peyğəmbərlərlə və imamlarla düşmənçilik edənlərin) əksəriyyəti haramzadə olmuşlar (yəni zinadan doğulmuşlar). Zinadan doğulan şəxsin şəriət baxımından da hökmü bir qədər fərqlidir. Belə ki, məsələn, bu cür şəxsin imam-camaat olması, mərceyi-təqlid olması icazəli deyil.