Sual: Adam səfərə gedərkən, getdiyi yerdə neçə gün qalacağını bilmirsə, namazını bütöv qılmalıdır ya qəsr şəklində?

Cavab: Vətənindən müəyyən məsafə qədər uzaqlaşan və bir yerdə 10 gün və daha artıq qalan şəxs orucunu tutmalı və namazlarını bütöv qılmalıdır. Əgər insan getdiyi yerdə 10 gün və daha artıq qalacağını qabaqcadan bilmirsə, bu halda da yenə namazlarını bütöv qılıb, orucunu tutmalıdır. Əgər insan bir yerdə 10 gün qalmağı qəsd etsə yaxud bu barədə tərəddüd etsə, sonra fikrindən dönsə (yəni 10 gündən az qalıb qayıtmağı qəsd etsə), yenə eyni hökm ona şamil olur. Amma əgər fikrindən döndüyü zaman yoluna davam edərsə və qarşıdakı yol vətənə dönənə kimi 8 fərsəxdən (44-45 km) artıq olarsa, namazlarını qəsrlə qılmalı və orucunu pozmalıdır.