Milli.Az xəbər portalı "Xinhua"ya istinadən bildirir ki, "Çin kəndlərindən birində adam yeyirlər" xəbərində deyilirdi:
"Uca dağlıq zonasında yerləşən bu kənddə adamyeyənliklə yalnız kişilər məşğul olurlar. Onlar hər il Çin Yeni İlinin gecəsi, Ay bədirlənəndə qadın tutur, onun əl-ayağını bağlayandan sonra şaqqalayırlar. Həmin kişilər bakirə qızların ətinin daha dadlı olduğunu deyirlər. Kəndli kişilər bakirə qızın başını kəsəndən sonra onu ayaqlarından asır, sonra da şaqqalayaraq çiy-çiy yeyirlər".
Xəbər üç fotoşəkil ilə müşaiyət olunurdu.
Bu şok, ağlasığmaz xəbərlə bağlı Çin polisi və təhlükəsizlik strukturları araşdırma aparıblar.
Bəlli olub ki, fotoşəkillər əslində Sinzyandakı kəndlilərin çox kobud zarafatı olub. Onlar mulyajdan istifadə ediblər və plastik manekeni şaqqalayaraq "adamyemə" səhnəsi yaradıblar.
Belə sarsaq zarafat edən 3 nəfər həbs olunub. Onlara iki plastik manekeni "adam yemə səhnələri" üçün satmış dükan sahibi də saxlanılıb.