Dişlərdəki sarımtıl ləkələr dişlərə yaxşı qulluq edilməməsinin
nəticəsində yaranır. Əgər adam çoxlu çay və qəhvə içirsə, siqaret
çəkirsə, spirtli içkilərdən istifadə edirsə və dişlərini fırçalamırsa
dişlərin üzərində ləkələr meydana gəlir. Yaranan ləkələr diş minasının
pozulmasından, diş üzərindəki cızıqlardan, ağız təmizliyinə
səhlənkarlıqdan da meydana gəlir.
Bunun üçün diş təmizləmə prosedurlarına fikir verməli, dişləri vaxtında
və düzgün fırçalamaq lazımdır. Dişlər təmizlənmədiyi zaman ətrafında
bakteriyalar və yemək artıqlarından ibarət yapışqanlı və rəngsiz bir
bakteriya təbəqəsi yığılır. Bu da dişlərə yapışaraq zamanla dişlərin
saralmasına səbəb olur. Bakteriyalarla ən yaxşı mübarizə üsulu ona lazım
olduğu qulluğu göstərməkdir.