Xanımlar hər zaman dəbə uyğun geyinməyi sevir. Zövqlü görünmək istəyən xanımlar bəzən geyimlərində səhvlərə də yol verirlər. Dəbdəki 5 yanlış addımı təqdim edir:

1. Dekolte
Seksual görünmək üçün bədəninizi çox nümayiş etdirməyin. Bu sizə seksual görünüş yox, adilik gətirəcək. Hədsiz dekolteli libas sizə pozitiv yox, mənfi baxışları cəlb edəcək. Buna görə də libaslarınızda az dekolteyə üstünlük verin.

2. Belsiz ətək və şalvar
Bu cür geyim hər insana yaraşmır. Belə ki, belsiz şalvar və ya ətək artıq piyləri büruzə verir. O, həm də ayaqları qısa, beli isə kök göstərir.  

3. Eyni dəb
Bədən ölçülərinin dəyişməsinə əhəmiyyət vermədən eyni stildə gəzən xanımlar heç də dəbli görünmürlər. Çalışın moda sahəsindəki yenilikləri izləyib, bədən quruluşunuza uyğun və sizə yaraşan libaslar seçəsiniz.

4. Enli və ya dar libas
Bədən quruluşunuzdan 1 ölçü kiçik şalvar geyinə bilərsiniz. Amma bu kənardan yaxşı görünürsünüz demək deyil. Eyni zamanda böyük ölçülü libasda əyninizdə gülməli görünəcək. Əgər böyük ölçüdə bir libası bəyənmisinizsə, dərziyə gedib onu özünüzə uyğun düzəltdirə bilərsiniz.

5. Yanlış parça
Bəyəndiyiniz paltarın parçasına da fikir verin. Çox nazik bir parça bədəninizdəki artıq piyləri büruzə verəcək. Parçanı da bədəninizə uyğun seçin.