Məşhur müğənni Şakira daxili sağlamlığa əhəmiyyət verməyi xoşbəxtliyin açarı hesab edir. Ona görə özünü yaxşı hiss etmək üçün musiqinin gücündən istifadə etmək lazımdır. Joy.az Şakiranın dümdüz qarına qovuşmaq üçün sağlam bəslənmə və idman tövsiyələrini təqdim edir. İdmanla məşğul olan, rəqs edən, sağlam qidalanan və sağlığına xüsusi diqqət yetirən insanların daxili sağlamlığı xarici görünüşlərinə də təsir edir. Hərəkətli bir həyatı düzgün qidalanma və rəqslə dəstəkləməklə xoşbəxt olmaq mümkündür.
Düz bir qarın üçün sağlam qidalanmaq və sağlam həzm sisteminin olması vacibdir. Gündəlik olaraq qatıq, qoz, badam, taxıl məhsulları, kətan toxumu, zəncəfil kimi qidalar qəbul etməlisiniz. Probiotik qatığın ən az 15 gün müntəzəm yeyilməsi qarındakı şişkinliyi, qəbzlik və həzm problemlərinin həllinə kömək olur. Qaçış, idman və rəqsi həyatın bir parçasına çevirin. Bədəninizin istədiyi görünüşü ala bilməsi üçün rəqs və idman çox vacibdir. İdman etməyə həvəsiniz yoxdursa, evdə sevdiyiniz musiqini qoşaraq həftədə 3-4 dəfə içinizdən gəldiyi kimi rəqs edin.