Çin – Bir neçə çay əsl antioksidant qaynağıdır. Ağ və yaşıl çay qırışlarla mübarizə aparır və hüceyrələrin ölməsinin qarşısını alır. Çinli qadınlar ağ və yaşıl çay tozunu qarışdıraraq maska hazırlayır. Antioksidantla zəngin olduğu üçün nazik qırışları aradan qaldırır.

Hindistan – Hindli qadınlar səhəri zəncəfilli çayla açırlar. Zəncəfil də zəngin antioksidant mənbəyidir. Kollagenləri qoruyur. Bal isə təbii anti-bakteriyadır və iltihabların qarşısını alır. Rəndələnmiş zəncəfili və balı isti suyla qarışdırıb hər səhər su ilə için.

Meksika – Dərimiz yaşlandıqca elastikliyini itirir. Meksikalı qadınlar limon suyu və şəkəri qarışdıraraq əllərinə çəkir. Şəkər pilinq rolunu oynayır və dərini ölü hüceyrələrdən təmizləyir.

Fransa – Aparılan araşdırmalar üzüm tumunun xeyirli olduğunu göstərir. Üzüm tumu kollagenləri qoruyur, dərini sıxlaşdırır. Fransız qadınlar üzüm tumundan çoxlu maskalar hazırlayır. Təkcə 50 mq üzüm tumu 1 kq üzümün verdiyi fayda ilə eynidir.