Makiyaj eləmək gündəlik həyat üçün o qədər də qarışıq bir şey deyil. Çox
az bir tonal krem , bir az pomada və göz makiyajı ilə gündəlik
həyatınız üçün kifayət qədər gözəl görünməyiniz mümkündür. Ancaq xüsusi
günlərdə bu sadə makiyajla getmək mümkün olmur. Bu zaman makiyajınıza
xüsusi diqqət göstərməlisiniz. Bu yazımızı oxuyaraq makiyajı hansı sıra
ilə etməli olduğunuzu öyrənə bilərsiniz.
Həmişə birinci nəmləndirici krem vurmalısınız
Kosmetika vasitələri təəssüf ki, dərimizi qurudurlar və buna görə də
onlardan istifadə etməzdən əvvəl nəmləndirici krem vurmalısınız. Bu
zaman gün ərzində makiyajda qalan dəriniz özünü yeniləmə qabiliyyətini
davam etdirəcəkdir. Ancaq yağlı nəmləndiricilər əvəzinə tez sorulan su
bazalı nəmləndiricilərdı istifadə etməlisiniz.
Bunun üstündən tonal krem çəkin
Nəmləndiricini vurduqdan sonra tonal kremi çəkməlisiniz. Beləliklə,
digər vasitələri həm daha rahat tətbiq edə bilərsiniz, həm də onların
tonal kremi çəkərkən zərər çəkmələrinə mane ola bilərsiniz. İstəsəniz
tonal kremin üzərindən bir az pudra da vura bilərsiniz.
Növbə gəldi göz makiyajına
Göz makiyajı ilə pomada çəkilməsi bir-birilə əlaqəli olur. Göz
makiyajını tamamladıqdan sonra pomada çəkməyə keçmək lazımdır. Göz
makiyajınızı edərkən nəyisə səhv çəkdiyiniz zaman bir az isladılmış
salfetka ilə yüngül toxunuşlar edərək təmizləyə bilərsiniz.
Ardınca pomadanı çəkin
Pomadamızı da makiyajımıza əlavə etdikdə haradasa makiyajı tamamlamış
oluruq. pomada seçimini bir az üzünüzün formasına, bir az geyiminizə,
bir az da göz makiyajınıza uyğun etsəniz, ən gözəl görünüşü əldə etmiş
olarsınız.
Ən sonda isə ənliyinizi vurun
Üzümüzə ən son şəkil verən vasitə o olduğu üçün ənliyi ən sona
saxlayırıq. Makiyajınızı ənliyi vurmaqla tamamladıqdan sonra artıq
harasa getmək üçün hazırsınız.