Dırnaq ən çox qulluq tələb edən və daha çox göz önündə olan bədən üzvüdür, xüsusilə də yayda. Dırnaqlara qulluğun ən yaxşı göstəricilərindən biri də boyalardır. Geyim və saç dəbi dəyişdiyi kimi dırnaq boyası dəbi də daim yenilənir. Bu yay dəbdə əsasən rəngarəng dırnaq boyaları olacaq.

Yaşıl dırnaqlar
Yaşıl rəngin xüsusilə açıq tonlarına üstünlük veriləcək. Bunlar zeytun yaşılı, nanə rəngi kimi tonlardır. 

Açıq bənövşəyi 
Yayın ən şık rəngləri sırasındadır. Metal və tutqun rəngli boyalara üstünlük vermək məsləhətdir.

Çəhrayı
Çəhrayı rəng bu il də qadınların əvəzedilməzləri siyahısındadır.

Bej tonlar
Qum rəngi, gümüşü, klassik dəri rəngi boyalarda asanlıqla istifadə etmək mümkündür.

Qırmızı
Cəlbedici rəng olan qırmızı və sədəf rəngli tonlar bu yaya xüsusilə çimərliklərdə
tez-tez görüləcəklər. Bu rənglərə xüsusilə qaralmış dəriyə malik qadınlar üstünlük verəcəklər.