İslam dini uşaqların tərbiyəsinə mühüm əhəmiyyət verir.
Dinimiz tərbiyə prosesində zor tətbiq etməkdənsə, başa salmağa, izah
etməyə, şəxsi təcrübə əsasında tərbiyə verməyə üstünlük verir. Uşağı ən
zəruri hallarda - tənbeh etmək, danlamaq, hədiyyədən məhrum etmək,
cəzalandırmaq və s. üsullar fayda vermədikdə - yüngülvari vurmağa icazə
verilir. Amma bu zaman həddi aşmaq, ona fiziki və psixoloji zədə vurmaq
qəti qadağandır. Uşağın bədənində iz buraxacaq tərzdə (göyərmə, qızarma
yaradacaq şəkildə) zor tətbiq etmək qəbuledilməzdir. Uşağın üzünə, başına vurmaq həm tibbi, həm də dini baxımdan qadağandır.