Bayquşlar əksəriyyəti tək yaşayan quşlardır.

Bayquşların gözləri göz oyuğunda demək olar ki, hərəkətsizdir. Buna görə də ətrafa baxmaq üçün başlarını döndərirlər. Bayquşların başları sağa və sola 135 dərəcə dönərək, 270 dərəcəlik baxış bucağı əldə edirlər.

Bayquşların sifət hissəsinin enli və dəyirmi olması bir növ evlərə quraşdırılan çanaq antenalarını xatırladır. Bu möhtəşəm dizaynda məqsəd ətrafdakı səslərin bayquşlar tərəfindən effektiv şəkildə qəbul edilməsi və qulaqlara ötürülməsidir. Belə səslərin analizi nəticəsində bayquşlar ovun hansı istiqamətdə olduğunu təyin edirlər.

Bayquşlar kənd təsərrüfatı və meşə ziyanvericilərini məhv etdiklərinə görə xeyir verən quşlardır. Təəssüf ki, Azərbaycanda bu növ quşları bədxah quşlar adlandırırlar.