Həyatdakı ən vacib bilməli olduğumuz məqamlardan biri də hər zaman doğrunun, haqqın yolundan davam etməkdir. Təbii ki mütləq şəkildə qarşımıza bizi yolumuzdan edəcək insanlar, maneələr çıxacaq. Amma əsas hünər o yolun izini itirməməkdədir. Çünki insan o yolda təkcə istiqamətini, yönünü deyil, öz insani keyfiyyətlərini də itirə bilər. Biz öz ilhamlarımızı səmadan, qeybdən gələn səsdən almırıq, doğru yaşadığımız həyatımızdan alırıq. Yəni əgər tutduğumuz yol doğrudursa sonunda xoşbəxtlik hər zaman var. Keçmişə ilişib qalmaq əvəzinə irəliyə, gələcəyimizə fokuslanmalıyıq. Çünki, bir xoşbəxtlik qapısı qapandığı zaman bir gün mütləq digəri açılar, fəqət biz dayanmadan qapalı qapıya baxsaq, yeni açılan qapıları görə bilmərik.