"Ərdə deyiləmsə, mənim seksual həyatım olmamalıdır?”.
Qadinlar.Biz Azadlıq radiosuna istinadən Azərbaycanın gənc və tanınmış
yazıçılarından olan Günel Mövludun yazdığı növbəti məqaləsini təqdim
edir.
"Nikahımızdan cəmi bir neçə gün keçib.
Sosial şəbəkələrdə dostlarımızın paylaşdığı toy xəbərimizə yazılan
şərhlərdən ən aktualı bu idi ki, bu qız ərə getdi, daha seksdən
yazmayacaq.
Bayağı azərbaycanlı təfəkkürü ilə bunlar elə düşünürlər ki, müəllif seksdən yazırsa, sekslə bağlı problemləri var.
Daha bir bayağı məntiqləri də budur ki, evli deyilsə, deməli, sekslə bağlı ciddi korluq yaşayır.
Bu şərhlərə ilk reaksiyanı elə həyat yoldaşım verdi.
Boynuma öhdəlik qoydu ki, bu axmaq fikirləri dağıtmaq üçün mütləq
azərbaycanlıların acgözlüklə oxuduğu intim mövzulardan yazmalısan. Yoxsa
onlar haqlı olduqlarını düşünəcəklər.
Əslində, həyat
yoldaşım deməsəydi də, mənim çoxdan fikrim vardı ki, azərbaycanlı
ginekoloqlar barədə bir yazı yazım. Daha doğrusu, onların pasientlə
davranışlarından, mədəniyyətlərindən…
Yəqin ki, dünyanın heç bir yerində ginekoloq pasiyent qadını evli və ya subaya ayırmır.
Amma bizim bəzi ginekoloqlar qarşılarında uzanan gənc qadına bu sualı verməyi vacib sayırlar:
- Ərinlə gəlmisən?
Adama deyərlər, mən niyə mütləq ərimlə gəlməliyəm, ikincisi də, sən ümumiyyətlə, nə bilirsən ki, mənim ərim var, ya yox?
Ərinlə gəlməmisənsə, artıq ginekoloqda sənin həyatın, əxlaqın barədə
şübhələr baş qaldırır. Halbuki, xəstənin nə həyatı, nə də hansı əxlaq
sahibi olmasının ginekoloqa heç bir aidiyyatı yoxdur. Əgər ərinlə
gəlmədiyini deyirsənsə, azərbaycanlı ginekoloqun üzündə narazılıq
qarışıq bir kinayə peyda olur. O dəqiqə ikinci sualı yapışdırır:
- Neçə vaxtdı ərdəsən?
Bu nə qeyri-professional, qeyri-etik sualdı? Bəlkə mən heç evli
deyiləm? Yəni ərdə deyiləmsə, mənim seksual həyatım olmamalıdır? Bu nə
yanaşmadı? Amma sən bunu həkimin kinayə ilə "bəzənmiş" üzünə deyə
bilmirsən.
Sonra digər suallar gəlir:
- Əriniz də yoxlamadan keçib?
Ay anam-bacım, yoxdu ərim. Normal ölkələrdə ginekoloq "partnyor”
sözündən istifadə edir. "Ər”, "həyat yoldaşı” kimi sözlərdən istifadə
edib, səni kompleksə salmır. Sənin boynuna qoymur ki, cinsi həyat
yaşamaq üçün mütləq ərdə olmalısan.
Bəzi azərbaycanlı
ginekoloqların tərbiyəsizliyi, mədəniyyətsizliyi, qeyri-korrektliyi hər
müayinədə, hər əməliyyatda özünü büruzə verir. Hələ təsəvvür edin, ərdə
olmayan qadın aborta və ya doğuşa gəlirsə, bu ginekoloqlar onlarla necə
davranırlar? Təhqir, qışqırıq, qınaq… onlar elə bilirlər ki, ərdə
olmadan hamilə qalan qadının üstünə qışqıra, onu təhqir edə, gic-gic
məsləhətlər verə bilərlər.
Bu qadınlar özlərini həkim kimi
deyil, qaynana, yengə kimi aparırlar. Onlar xəstəni sağaltmaqdan,
şikayətinə baxmaqdan daha çox, mentalitet qoruyur, bu mentalitetə riayət
etməyənləri var gücləri ilə təhqir etmək, ondan qisas almaq istəyirlər.
Bu qadınlar qanunsuz, nikahsız seks yaşayanlara qarşı çox
amansızdırlar. Sanki yüzlərlə, minlərlə himenoplastikanı həyata keçirib,
təzədən bakirə qız düzəldənlər bunlar deyil. Pula görə, gənc qadınların
bilgisizliyindən, təcrübəsizliyindən istifadə edərək, sağlam körpələri
sağlam anaların bədənlərindən qaşıyıb tökən bunlar deyil. Guya dəhşət
əxlaqlıdırlar.
Həkim olsalar da, guya onlar üçün mentalitet,
əxlaq hər şeydən irəlidir. Guya onlar həkim borclarını yerinə yetirməklə
yanaşı, həm də bir Azərbaycan qadını borcunu yerinə yetirmək, qızları
«pis yol»dan çəkindirmək, belə yola gedənləri cəzalandırmağı da vacib
bilən ana, bacıdırlar.
Əslində isə bu davranışın, bu hərəkətlərin adı məlumdu: