Britaniyalı alimlər yeni, bənövşəyi rəngli pomidor sortunu ölkədə yaymağ niyyətlidirlər.
Qadınlar.Biz Rusiya mətbuatına istinadən bildirir ki, bu pomidorlardan xərçəngin və ürək-damar xəstəliklərinin müalicəsində istifadə olunacaq.
İlk bənövşəyi pomidorlar Kanadada yetişdirilib. Açıqlaması sadədir: orada qeni dəyişdirilmiş ərzaqlara nəzarət Böyük Britaniyaya nisbətən daha azdır. Alimlər deyirlər ki, yeni sortun tərkibində iltihabı azaldan və xərçəng hüceyrələrinin inkişafını ləngidən antosianlar var.
Təbiətdə bu maddə böyürtkən, qaragilə və digər bənövşəyi rəngli giləmeyvələrdə var. İndi ingilis alimlər bu pomidorları və onların şirəsini mağazalarda yuxarıda qeyd olunan xəstəliklərə qarşı dərman kimi satmaq fikrindədirlər.
Ancaq öncə bənövşəyi pomidorlar Böyük Britaniyada testdən keçməlidir. Avropaya gətirilən bənövşəyi pomidor şirəsinin ilk partiyası 2000 l təşkil edir.