51 yaşlı çinli onun üçün tor yelləncəyini əvəz edən bir kəndirin üzərində tam olaraq istirahət edir.
"Kunq-fu adam" ləqəbli Lyan Yanqu bu çətin pozada özünü o qədər rahat hiss edir ki, sərbəst şəkildə əlini, ayağını qaldırır və hətta yoldan keçənləri də salamlayır.
Səhərlər qaçmaqla məşğul olan insanlar kunq-fu ustasının yanından keçəndə, onunla bir-iki kəlmə söhbət etmək və ya şəkilini çəkmək üçün dayanırlar. Usta isə bir kəndirin üzərində uzanaraq onlarla rahat şəkildə ünsiyyət qurur.
Lyan bunu kunq-fu müəlliminin sayəsində öyrəndiyini bildirib. O, bunu öyrənərkən dəfələrlə yıxıldığını bildirib.