Kureş Mansorinin epataj tüninq layihələri ilə məşhur olan şirkəti 2009-cu ildən 2014-cü ilin ortalarınadək buraxılmış Rolls-Royce Ghost avtomobillərinin modernizasiyası üçün layihə hazırlayıb.

İşıq texnikası və dekor elementlərindən başqa, modelin əldə etdiyi yenilənmiş interyer prestijli ingilis brendinə məxsus avtomobilə daha dəbdəbəli və mötəbər görünüş verir. Maşının gücü 570-dən 652 at gücünədək, maksimal fırlanma anı isə 1500 Nm (+300) -dək artırılıb. Lüks sedan 0-100 km/saat sürətlənməyə 4,3 saniyə vaxt sərf edir, ən yuxarı sürət həddi isə 280 km/saat təşkil edir. Həm eksteryeri, həm də interyeri üçün təklif edilən çoxsaylı dəyişikliklər avtomobilin hər bir nüsxəsini maksimum fərdiləşdirməyə imkan verir.