Həm də burada məsələ qətiyyən qadın hiyləgərliyi və tamahkarlığında deyil. Əslində qadın öz təbiəti etibarilə lap əvvəldən ana, "ocağın qoruyucusu"dur, növün, irsin, nəslin qorunub saxlanması üçün cavabdeh olan varlıqdır.

Trend-in məlumatına görə, cazibədar qadınların kifir, lakin varlı kişilərlə münasibət qurmaqda daha maraqlı olduqlarını müəyyən edən rəy sorğusunun nəticələrini şərh edən alimlərin fikrincə, ona görə də qadın üçün bütün maddiyyat hətta intuitiv olaraq daha vacib və cəlbedicidir.

Bugünki, yəni sosial-iqtisadi nailiyyətlər dövrünə gəldikdə isə, maddi rifah istəyi dəfələrə yüksəlir, o, daha aktual və birinci dərəcəli vəzifəyə çevrilir.

Odur ki, qadınların bir hissəsi başqasının hesabına şəxsən özü üçün maddi rifah əldə etməyin rahat və cəlbedici olduğunu tam aydın şəkildə anlayır. Yenə də intuitiv olaraq hiss edir ki, gözəl, lakin kasıb kişi tezliklə çıxıb getsə, o tək və heç nəsiz qalacaq. Burada hansı nəsil saxlamaqdan danışmaq olar? Yaraşıqlı olmayan, lakin varlı kişi isə heç olmazsa, əvəzində nəsə qoyub gedəcək. O zaman uşaqlar da, özü də stabil yaşaya bilər