Britaniyadakı "Debenhams" dükanlar şəbəkəsi qadınlar üçün alt paltarının reklamı kampaniyasına 58 yaşlı sabiq supermodel Cilli Consonu çəkib.
"The Sun"a istinadən bildirir ki, iki nəvənin nənəsi olan Conson "Janet Reger" brendinin paltarlarını reklam edəcək.
Conson 30 il əvvəl də bu brendin reklamlarında iştirak etmişdi və ümumiyyətlə, "Janet Reger" markalı alt paltarlarını reklam edən ilk model idi.
"Bu reklama məni şirkətin banisi Canet Recerin qızı, indi "Janet Reger"ə başçılıq edən ELiza Recer dəvət etdi. Təklif məni çox həyəcanlandırdı. Reklama çəkilməyimin məqsədi isə odur ki, britaniyalı xanımlar qadının yalnız 20 yaşda gözəl olmadığını anlasınlar", - Conson deyib.
Cilli Conson 1975-ci ildə "Daily Mirror" qəzeti üçün topless fotosessiyaya çəkilməyə razılıq vermiş ilk model idi.