Meşələr Yer kürəsinin ağ ciyəri sayılır.İnsanların udduğu oksigen məhz bu meşələrdə yaranır.Yəni ağac dediyimiz bu yaşıl varlıqlar həm tikinti materialıdır,həm odundur,həm kağızdır,həm kölgədir,həm də oksigen fabrikidir.Elə buna görə də böyüklərimiz bizə ağac kəsməməyi,çox sayda ağac əkməyi tövsiyə ediblər.
Meşə yanğınları ən çox ora istirahətə gedənlərin məsuliyyətsizliyi ucbatından baş verir: ya yandırdıqları ocağı söndürmədən qoyub gedirlər,ya da siqaret kötüyü atırlar.Bəzən təbii hadisələrlə,məsələn,ildırım vurma ilə də meşə yanğınları baş verə bilir.
Meşələri qorumaq hər bir insanın borcudur.Ona görə də meşəyə,bağa gedəndə ehtiyatlı davranmaq lazımdır.