Mən köhnə fikirliyəm. Düşünürəm ki, əxlaqlı qız gecə klublarına getməz. Onun orada axtaracağı heç nə yoxdur. Mən köhnə fikirliyəm. Düşünürəm ki, sevdiyin insanla daha 5 dəqiqə keçirmək üçün hər şeydən keçməyə dəyər və bu 5 dəqiqənin uzanması üçün hər şeydən imtina etmək olar. Mən köhnə fikirliyəm, düşünürəm ki, münasibətlər güvən hissinin üstündə dayanır və "Mən səni sevirəm" deyirsənsə, bu 3 söz artıq səni həyata bağlayır. Mən köhnə fikirliyəm və düşünürəm ki, qız özünü əxlaqlı aparmalıdır. Qızın əxlaqı oğlanın ən böyük dəyəridir. Mən köhnə fikirli insanam. Düşünürəm ki, söyüş söymək qız üçün yolverilməz haldır. Söyüşü həyasız qadınlar söyür.

Mən köhnə fikirliyəm, düşünürəm ki, bir qız mənim sevgilimdirsə, deməli o, ancaq mənimdir. Bəli, mən köhnə fikirliyəm və bu geridə qalmışlığı öz oğullarıma ötürmək istərdim. Necə ki, atam babamdan mənə ötürüb. Ona görə də bizim ailəmizdə qızlarımıza, həyat yoldaşlarımıza, analarımıza həmişə hörmət edilib və onlar həmişə sevgi ilə bəslənilib..."