Dünyanın ən hündür ağacları ABŞ-ın Kaliforniya ştatında bitən Redwood imiş. (Qırmızı ağac).
 
Yerli dildə qırmızı ağac adlandırılan bu bitkilərin 91 metr hündürlüyə malik olduğu müəyyən edilib.
 
"Redwood” ağaclarından olan "Hyperion” ölçüsünə görə digər ağacları geridə qoyur. Hündürlüyü 115,7 metr təşkil edən bu bitki bir müddət əvvəl aşkar edilib.
 
Adətən "Redwood”lar 500-700 il yaşayır. Lakin 2000 ildən artıq yaşı olan ağaclar da sənədləşdirilib. ABŞ-ın Milli Park Xidməti Qırmızı ağacların yüksək hündürlüyə çatmasının sirri kimi il boyu mülayim temperatur və illik yağışların çoxluğu, həmçinin Kaliforniyada olan əlverişli iqlim şəraitinin də qismən təsir etdiyini göstərir.