Övladı
sağalsın deyə, gecəsini gündüzünə qatdı. Çində qaraciyərinin bir
hissəsini övladına bağışlayan atanın fədakarlığı xəbər başlığına
çevrilib. Söhbət təkcə övladı üçün əməliyyat masasına uzanmaqdan getmir.
Gənc valideyn övladının əməliyyat olunması üçün dəridən qabıqdan çıxıb.
7
aylıq qızın qaraciyərinin funksiyasını yavaş-yavaş itirdiyini üzə
çıxaran həkimlər uşağın əməliyyat olunmalı olduğunu, ona qaraciyər
nəqlinin vacib olduğunu deyiblər. Uyğun donor tapılmadığından uşağın
valideyni dərhal öz qaraciyərini təklif edib.
Sonq
Honley adlı çinli bir az şişman olduğundan cərrahlar ondan arıqlamağı
tələb edib. Çinli ata övladı sağ qalsın deyə, o gün bu gündür çiynində
ağır yüklə yollarda qaçıb. Bir neçə həftə ərzində 14 kiloqrama yaxın
çəki itirdikdən sonra həkimlər əməliyyatın gerçəkləşməsinə razılıq
verib. Son Honleydən alınan qaraciyər parçası onun 7 aylıq qızına
köçürülüb. Həm ata, həm də övladının vəziyyətinin yaxşı olduğu
bildirilir
Çiynindəki
13 kiloqramlıq yüklə hər gün azı 10 kilometr qaçdığını deyən Sonq
övladı üçün hər məşəqqətə dözməyə hazır olduğunu əyani şəkildə sübut
edib. İdmanla məşğul olmayan buna görə artıq çəki qazanan adamın birdən
birə çiynindəki yüklə kilometrlərlə məsafə qaçması istənilən halda asan
deyil. Övladının həyatını xilas etdiyi üçün çox sevindiyini deyən
çinli onları 12 saat əməliyyat edən cərrahlara təşəkkür etməyi də
unutmayıb.