Cins (jeans) parçadan hazırlanan geyimlər indiki gənclərin əvəzolunmazlarındandır. Lakin tez-tez istifadə etdiyimiz bu cins parçanın tarixini öyrənmək maraqlı olardı. Cins şalvarı 1873-ci ildə Yakob Devis və Levi Ştraus ixtira etmişdir. 1950-ci illərdən başlayaraq, əvvəlcə kovboylar və şaxtaçılar üçün nəzərdə tutulan cins şalvar, sonralar yeniyetmələr arasında da dəb olub. Cins şalvar dedikdə tarixdə ilk “Levi’s” adı yada düşür, çünki bu şalvarlar ilk dəfə məhz bu brendin adı ilə satışa çıxarılıb və ilk istehsal olunan “cinslər” buz mavisi rəngində olub. Sonralar yeni rənglərdə və yeni stillərdə istehsal olunmağa başlayıb. Digər parçalarla müqayisədə cins geyimlər, xüsusilə də cins şalvarlar cırılmağa və deşilməyə qarşı daha davamlıdır.
Cins şalvarlar bütün dünya üzrə gündəlik paltar kimi daim dəb sayılır.