Əgər xörəyin duzu çox düşmüşdürsə onda qazanı beş dəqiqəliyə odun üstünə qoyub, qapağını qaldırın. Sonra qazanın ağzını təmiz salfet yaxud təmiz süfrə ile örtərək üstündən azca duz səpin.
Bəzən kartofun qabığını soyduqdan sonra müxtəlif səbəblər üzündən onu bişirmək lazım olmur. Belə vaxtda narahat olmayıb onun üzərinə un səpin. Soyulmuş kartofu un içində saxlasanız, o nə qaralar nə də qurumaz.
Keks, tort, peçenya təzə qalıb köhnəlməsin deyə, onların içərisində bir parça çörək qoyub, dəmir qutuda saxlamaq lazımdır. Belə vaxtda qutudakı çörəyi iki gündən bir dəyişdirib təzəsi ilə əvəz etməyi unutmayın.